Боловсролын сүүлчийн "мокикан"

Боловсролын сүүлчийн "мокикан"

Сүүлчийн Мокикан (The last of Mohicans). Энэ сайхан өрнөлтэй, саруул төгсгөлтэй сайн ший л дээ.

Энэ шийнд цагаан гэх шар арьстнуудын Америк тивийг эзэгнэж түрэмгийлж, эзэмшин колончилохын эсрэг тэмцсээр цөөрч, цөөрч тэмцсээр, идэгдсээр, үзэлцсээр, эцэстээ сүүлчийн ганц Мокикан үлдэнэ. Ингэж үлдэх сүүлчийн Мокикан хүртэл эцэстээ Мокикануудын дунд өссөн цагаан арьстан хүн байх. Нум сумыг хурдан буугаар номхолж байгаа аймшигт энэ колончиллоор үнэндээ сүүлчийн гэх ганц ч Мокикан үлдээгүйг энэ ший хэлдэг юм.Их санаатай ший л дээ.

Одоогоос дөрвөн зууны тэртээд болсон Европын колончлолын үеийн улаан арьстны тэр цагийн уйтгарт түүх энэ цагт монголыг хар массжуулах, хоослох олигархийн оюуны колончиллын гашуун үүх болж дахин давтагдаж байна.

Одоохондоо, боловсролын байгууллага, ЕБС-ийн сургууль, цэцэрлэг бүрт боловсролын өнгөрсний санамж, одоогийн сургамж, ирээдүйн дүрийг тээж, хүнд ачааг үүрч яваа сүүлчийн гэгдэх "мокикан" ганц болов байна аа байна. Арай ч төгсгөн дуусчихаагүй байна.

Сургууль бүрийн сүүлчийн энэ мокикан л мөн чанараараа багшийг олигархийн энэ аймшигт колончилолд амьд авч үлдэхийн төлөө; үндэсний түвшний оюуны энэ колончилол, гуйланчлалыг зогсоохын төлөө их үзэж байна, их тэмцэж явна. Их эрсдэл үүрч явна. Уйлж, дуулж, үглэж явна юм.

Боловсролын мокиканы энэ тэмцэл тэр ший шигээ эр зоригт өрнөлтэй байх ёстой. Харин түүн шиг гунигт төгсгөлтэй байх ёсгүй.

Үүний тулд сургуулийн бүрийн сүүлчийн "мокиканиуд" нэгдэн өрнүүлж байгаа багшийн цалинг нэмүүлэх энэ тэмцлээрээ тэд сүүлчийн байж төгсөхгүй, харин багшаа аврах, боловсролоо манах_ монголоо мандуулах ирээдүйн мөнхийн дайчин мокиканийг төрүүлж тэмцэнэ; бүтээж оршино. Бас одно. Үүний төлөө сүүлчийн мокикан шиг харин үзэлцэнэ, тэрсэлдэнэ, тэмцэлдэнэ.

Үүгээрээ боловсролын сүүлчийн мокиканы төгсгөл "Сүүлчийн Мокикан"-аас ялгагдана.

Боловсролын сүүлчийн мокикан иймд энэ улсын их дэвшлийн эхний мокикан байх болно.

Ц.Лувсандорж

2018 оны 2 дугаар сарын 15-ны өдөр

 http://bagshbagshdaatusalya.blogspot.com/2018/02/blog-post.html

Талархал  

Энэхүү бичвэрээ монголыг хар массжуулах гэсэн  хариас хаялгатай олигархи дарангуйллаас боловсрол,   нийгмээ салгаж монголоо хүний чадварт тулгуурласан зөв, төв хөгжилд хүргэх язгууртай  багшийн цалин нэмүүлэх хөдөлгөөн тэмцлийн эхний эгнээнд өөрийгөө илээманлайлж яваа цөөхөн хэдхээн багш нартай энэхүү мөрүүдийг зориулав. Боловсролын сүүлчийн "мокикан" гэгддэг та бүхэн монголын эх дэвшлийн эхний "мокикан" байх болно.